Dear Procrastination

Kasasabi ko lang sa sarili ko - bago magtapos ang buwan ng Enero - na magsisimula ulit akong mag-diet para sa ikagaganda ng aking katawan. Sa dinadami-dami ng iniisip kasi ay napabayaan ko na ang aking sarili. Naroong ako ay lalamon ng pagkarami-rami sa tuwing tensyonado. Ang kalahating kanin ay nagiging dalawang tasa. Sa dalawang kain buong araw, ang hapunan, kasya sa dalawang dalaga.

Mabuti na lang at sa kabila ng pagiging busy ay hindi nawala ang work-out program sa aking schedule. Ito ang naging stress reliever ko matapos ang trabaho. Naroong nakabuhat ako ng 300lbs sa Deadlift ng tatlong reps at 140 lbs sa Benchpress ng limang reps. Nagkaroon rin ako ng crush na naging inspiration ko ng ilang buhatan. Nagkapalitan kami ng number isang hapon, nalaman kong tamad pala siya mag text back, at ang kalunos-lunos dun ay may girlfriend pala ang binata. Mabuti pa si El Tigre na pinahawak ako ng iphone, kahit paano ay nagbonding kami nang minsang magkasabay sa gym.

Going back to procrastination, hindi ko ma-gets kung bakit bumigat ang timbang ko ng ten pounds. Ang sabi ni head coach ay nag-gain daw ako ng muscles. Convincing rin naman ang kanyang paliwanag kasi tingin ko ay higit na naging firm ang chest ko. Subalit sa kabila noon ay puno pa rin ako ng pagdududa. Paano kasi ay biglang sumikip ang mga body fit shirts ko at lumitaw muli ang bilbil sa aking tiyan.

So much for an accomplishment.

Kaya ngayong buwan ng mga puso ay sisikapin kong maibalik ang dating ako. Sa halip na nagsu-sugar rush sa bisa ng Cobra Energy Drink, tsaang mainit ang magiging pampagising ko sa umaga. Muli kong ibabalik ang oatmeal sa aking diet, at dahil mahal rin naman ang asukal ngayon, bawas muna sa inuming matatamis gaya ng Nestea Iced Tea at Ovaltine.

Binalak kong simulan ang lahat ngayong araw subalit:

Umaga pa lang ay dalawang pakete na ng Cream-O Choco Sandwich ang aking naubos. Nagdala kasi ng pagkain si Mami Athena sa opisina. Ang bawat cookies ay nababalot ng makakapal na slices ng keso. Pagsapit ng hapon ay nakadalawang ham sandwich naman ako. Ang ham ay napapalamanan ng dalawang slices ng keso na siya ring inupakan ko kinaumagahan. Dumating ako sa bahay bago maghapunan. Nadatnan ko sa lamesa ang pancakes na breakfast ni utol noong umaga. Tatlo rito ang naubos ko sa loob ng sampung minuto. Hinain ang hapunan matapos ang isang oras. Nilagang baka ang luto ni yaya. Dahil paborito ko ang mais, dalawang malaking piraso ang binigay sa akin. Naroon rin ang mga patatas na paborito kong gawing mashed potato. Ang pira-pirasong cabbage ay naguumapaw sa bowl, pati na rin ang kasama nitong mainit na sabaw.

Mabuti na lang at nagwork out ako kanina.

Di bale, susubok ulit ako magdiet bukas. At kung mabigo man ay susubukan kong muli sa makalawa.

Ang mahalaga ay bago matapos ang buwan,

Malapit lapit na sa ganito ang katawan ko:

Photo borrowed without permission from the owner.
I don't know who the guy is.
But in the beginning of my workout program three years ago,
his naked image tattooed on my head served as my inspiration.